Ki ni čul za pust ni čul ni za Mežnjara. Zoran Kinkela Mežnjar je čovek ki sope od mićega, kako sam reče, prej nego j va školu počel hodit. Danas ima “Trio Bajs”. Od pred malo vreme je poznat i ko Tom Cruise za siromahi aš je postal i glumac va projekte “Oštija” ki je osmislil Damjan Grbac, a dela se o temu da su snimili kratki filmići na temu domaćeh besed ke se više ne adoperaju. Prišal je va studio Novinet TV-a jušto na četrdeseti rojendan, a to morda neš i znači. Kako j ovega leta se malo pomanje, Mežnjar sej spametil malo se to dokumentirat va emisije “Pusna” va aranžmanu Novinet TV-a da judi malo navade ča od ove bogate tradicije, aš ki ne zna njemu j se to isto a ni i ne daj bog da jenemu zvončaru rečeš da j tako. Mežnjar ki j va pusneh užancah od kad je rojen je najboji čovek ki će van špjegat ča j ča i ki j ki va svetu pusneh užanci. “Ni pust samo maškarat se i poć va oštariju”, poveda Mežnjar, “judi se za pust parićuju čuda prej.” Ko čovek ki nikad ne miruje pa ni sada kad se miruje povedet će van još čuda tega va ovoj emisije 11 manje kvarat. Pogledajte!
