Dr. sc. Tea Perinčić je povjesničarka i muzeologinja. Ona je i Studenka, zato i je gost va emisije “Ča bi reć”. Špjegala j ča`j povjest i ča nas vadi. Kako ćemo prepoznat da je neš povjest a ne štorija. Povjest je finila slučajno. Šla j upisat filozofiju va Zagreb. kad je prišla pul tajnice rekla njoj je da ne more samo povjest upisat lego još neš id ala njoj jenu kartu da zibere. Malo j pogledala i rekla ; “Ala dajte tu povjest.” Iako njoj je filozofija bila prva jubav, povjest ju je pretekla. Kot mlada ni bila jako ambiciozna ma kako ju je ta povjest zela, magistrirala j va Zagrebe i doktorirala va Padove. Kad čovek pošne kopat po povjeste sačesa najde, pa neken ni dan danas ni pravo ma se mora i to povedet da se ne bi ponovilo. Tea Perinčić je kot jena enciklopedija našega kraja pa pogledajte emisiju aš ćete od nje čuda interesantneh stvari čut.
