Saša Matovina je muzičar kemu je cel život va muzike, i privatni i poslovni. Član je Opernega zbora HNK v Reke a povrh tega je već skoro trejset let ča je z svojemi prijatelji z Kastva osnoval Mušku klapu “Kastav” pa su se nakon tega našle neke vesele ženske ke su isto otele kantat pa je počel vodit i Žensku klapu “Kastav” pa su te dve klape oformile Udrugu “Kanat”. Vodil je i Zvonejski kanturi skoro petnajst let, Žensku klapu “Kamelija” i KUD “Učka”. Ni izvorni čakavac al boje govori čakavštinu lego neki domaći. Zajubjen je va zajik uopće i to je ono zač on govori još čuda zajiki. Pogledajte ča je se Saša povedal Rajke Jurdane Šepić va emisije “Ča bi reć”.
